กฎการม่วนรถแห่ ความในใจ ของสังคมรถแห่ แต่ละข้อคือหัวบ่คืน
แน่นอนว่าทุกสังคมก็ต้องมีข้อตกลง กฎข้อปฏิบัติให้ทำตามกัน เพื่อความไหลลื่นของสังคม และจะได้ไม่มีปัญหา ซึ่งสังคมของวงการรถแห่เขาก็มี กฎข้อปฏิบัติเหมือนกัน เพื่อที่ให้มีความจอย ปล่อยฟีล ไหลลื่นไม่สะดุด ทั้งคนมาม่วน มาเต้น มาสนุก และทีมงานรถแห่ ดำเนินงานได้อย่างไหลลื่นนั่นเอง
ล่าสุดนั้นทางแฟนเพจ รถแห่น้อย ได้มีการแชร์ประกาศ ข้อปฏิบัติตัวสำหรับผู้ที่มาเต้น ได้ทำตามกัน ซึงเป็นความในใจของสังคมรถแห่ โดยมีเนิ้อหาดังนี้
ประกาศไปยังผู้มาเต้นใส่รถแห่ทุกท่าน
- พึงไว้เสมอว่าท่านมาเต้นฟรี เจ้าภาพเป็นผู้จ้าง อย่าทำตัวเป็นภาระของคนอื่น อั่นได๋เฮ็ดแล้วเจ้าของสิม่วนกะเฮ็ด บ่แมนมาเฮ็ดให้คนอื่นบ่ม่วน
- รถแห่ทุกคันล้วนผ่านงานมามากมาย อย่าเก่งกว่ามือมิกซ์ อย่าบอกว่าควรเปิดเพลงนั้น ควรเปิดเพลงนี้ ถ้ามึงเก่งหลายไปเฮ็ดรถแห่มารับงานเบิ่ง มึงสิเข้าใจเอง
- งานแห่ไม่ว่ารถเล็กหรือใหญ่ ส่วนมากเปิดหัวด้วยลายแห่ก่อนจึงเปิดเพลง ใจเย็นๆ อย่าใจร้อน ลายแห่ไม่กี่นาทีเอง บ่แมนมาเขี่ยวเขา "เต้ยๆ" มักเต้ยไปเบิ่งหมอลำหมู่ยามเขาสิเก็บฮ่านพุ่น
- รถแห่เปิดซาวด์ส่วนมากก็ดาวน์โหลดมาจากยูทูปทั้งนั้น เพลงที่เปิดก็จะเป็นเพลงตลาดที่คุ้นหูกันอยู่แล้ว หากท่านจะขอเพลง ก็ให้เขาเปิดจนจบแทร็กนั้นก่อน หรือถ่าเป็นไปได้กะบ่ต้องขอ เขาพาม่วนกะม่วนไป
- ตั้งใจมาเต้นด้วยอารมณ์สุนทรีย์ อย่าตั้งใจมาขอเพลงที่ตัวเองชอบ แล้วพอเขาไม่เปิดให้ก็กระฟัดกระเฟียด "ยามได๋สิได้ๆ คือบ่เปิดให้จักเทือ รถแห่คันนี้สิบ่จ้างมาอีกจักเทือ บ่ม่วนๆ" โอยย จั่งแมนมึงเคยจ้างรถแห่ อี่พากตำตอมึง เหลียวเบิ่งเหล้ายังขอเขากินอยู่
- เพลงที่เปิดล้วนเปิดจากยูทูป บางคันดาวน์โหลดมาไว้เเล้ว บางคันก็เปิดสดๆ บางบ้านเน็ตกะบ่มี เพลงด่วนๆเขาเปิดไม่ได้ ก็ให้เห็นใจ ไม่ใช่ขอปุ๊บได้ปั๊บ ส่วนเจ้าของรถแห่กะสมัครแหน่พรีเมียมนั่น บ่แมนคนกำลังเต้นๆอยู่ล่ะมีแต่โฆษณามาคั่น
- ประเภทหนุ่มสาวอกหักรักคุด เก็บความเศร้าเอาไว้ก่อน อย่าไปดราม่าใส่งานเขา เขาจ้างมาม่วนบ่ได้จ้างมาเศร้า เห็นผู้บ่าวมากับผู้สาวใหม่ กะสิเป็นสิตายฟูมฟายหน้ารถแห่ขอเพลง "จบแบบเท่ๆ" ให้บักนั่นแหน่จ้า เอ้า...เขากำลังเต้น อี่ห่ามึงงงง
- เหล้าเข้าปาก องค์บากเข้าสิงห์ คนมาซูนคีงกะบ่ได้ "ช้างกูอยู่ไสๆ" มึงเป็นไผ ไสบักได๋เฮ็ดหมู่กูอยู่หั่น เปิดเลยบ่เพื่อน ระวังน้ำตาตกเข้าคุกเข้าตะราง
- ในเมื่อคนอื่นเต้นได้ เจ้ากะต้องเต้นได้ เต้นไปสาก่อน เพลงที่เจ้ามักมันกะมีอยู่ ถ่าแหน่จักหน่อยแม่ฮ้างมหาเสน่ห์กับมักบ่าวรุ่นน้องนั่น โดยเฉพาะมักบ่าวรุ่นน้องนั่น มึงแนมหน้าผัวมึงนำเด้อยามขอ ระวังสิถืกตรีนบ่าวรุ่นผัว
- อย่าทำตัวเป็นเจ้าของงานด้วยการมาจู้จี้จุกจิกกับมือมิกซ์ ต้องแบบนั้นต้องแบบนี้ เพราะโดยมากเจ้าภาพตัวจริงเขาสบายๆ บ่ได้มาครอบงำมือมิกซ์ คนแบบนี้สิมีอยู่ทุกบ้าน บักสินค้าโอท็อปของชุมชน หนึ่งหมู่บ้านหนึ่งผลิตภัณฑ์ ไปบ้านได๋กะเห็น จั่งแมนกูหน่าย
- เหล้านั่นรินมาให้คนขับรถแห่คักๆเด้อ เมามาบัดสิหลงเหยียบคันเร่งแทนเบรค ระวังสิพากันกองเอ๊าะเยาะอยู่หน้ารถ แล้วอีกอย่างรถแห่นั่นมึงสิดันหาสิแตกหยัง ยางไปดีๆคือหมู่คือพวกเขาบ่เป็นติ เต้นไปนำ ยางไปนำสั่นตัว แนวมันสิมวน นี่ล่ะจอบแต่สิบ่ให้รถแห่ไป เหลียวเบิ่งขบวนผู้เถ่าฮอดสิได๋แล้ว
- บนรถแห่ ห้ามบุคคลที่บ่เกี่ยวข้องขึ้นไป เพราะอาจเฮ็ดให้เกิดความเสียหายกับอุปกรณ์เครื่องเสียงได้ บ่แมนเห็นหมอลำอยู่เทิงรถ เอ๋า!! ผัวเก่ากูตัวหนิ ขึ้นไปให้กำลังใจมันก่อนเด้อ มันบ่ใช่ ผัวใหม่มึงกะอยู่ใกล้ๆ
- เปิดกลองยาวให้แม่ฟ้อนแหน่บักหล่า เเน่!!! คือบ่จ้างกลองยาวสั่นน่ะ
- เอาเบสขึ้นอีกแหน่ ดันเสียงกลางอีกแหน่ โอยยย..บักซาวด์เอ็นจิเนียร์ใหญ่ กะยังว่ารถแห่น้อย มึงคือบ่บอกเจ้าภาพจ้างรถแห่ใหญ่
- ขอเพลง ขอห่างๆกะได้เด้อครับ บ่แมนมุดหน้ามา วาแมนสิมาไซร้ซอกคอหอมแก้ม เหมิดมื่อจักกินหยังมาแหน่ มีงใช้ยาสีฟันยี่ห้อหยังใกล้ชิด หรือใกล้ส้วม
ท้ายสุดฝากถึงเจ้าของรถแห่ทุกคันเด้อ เหล้าเบียร์นั่น เผิ่นแต่งมาให้กิน บ่แมนแต่งมาให้ห่อ แล้วงานบางคันได้เป็นลัง แต่ละเดือนฮอดสิเปิดร้านขายเหล้าขายเบียร์ได้ ส่วนถ้วยซาม กระติกนำแข้ง แก้วน้ำ แห่เเล้วกะเอาไปคืนเจ้าภาพนำ เวลาเผิ่นเช็คส่งวัดมันบ่ครบ กรรมการวัดสิด่าเอา บ่แมนเก็บเมือบ้านนำ เต็มเฮือนเต็มซานอยู่ จักวัดได๋เป็นวัดได๋ มีแต่ ว.แหวน บางงานเอาฮอดหม้อไฟโต๊ะจีนเมือนำ
ปล.ขอบพระคุณที่อ่านจบ บางคนกลับมาอ่านอีกสองสามรอบ ผู้ลังคนหัวจนบ่คืน นี่คือความจริงในสังคมรถแห่ครับ
หลังจากที่โพสต์ดังกล่าวได้ถูกแชร์ออกไป ก็เรียกว่ากลายเป็นโพสต์สุดฮาที่มีชาวเน็ตเข้ามาคอมเมนต์เข้ามาขำไปกับประกาศดังกล่าวกันอย่างสนุกสนาน ว่าเห็นด้วย และยังสนับสนุนอีกด้วยว่าแต่ละข้อที่กล่าวมาคือถูกทุกข้อ
ขอขอบคุณ
ข้อมูล :รถแห่น้อย
